මුලින්ම පොඩි තැනකින් පටන්ගන්නම්. මේ සිද්ධිය මම ඉස්කෝලෙ යන කාලේ වෙච්ච දෙයක්. ඒ කියන්නේ 2006. අපේ A/Lපන්ති පටන් ගත්තේ 2005 මැයි මාසේ මැද හරියේ විතර. A/L පන්තිය තමයි අපේ පාසල් ජීවිතේ හොදම කාලේ.සමහර දේවල් මතක් වෙනකොට දැන්නම් හිනාත් යනවා.කොහොමහරි හැමෝම දන්නවා ඇතිනේ A/L පන්තියේදී ව්‍යාපෘතියක් කරන්න වෙන බව. එකක් නම් බැරිය තව Group Project එකකුත් තියෙනවනේ. අනිත් පන්ති වලනම් කොහොමද දන්නෑ හැබැයි විද්‍යා පන්තියෙ නම් ඕවා ඔක්කොම කරන එක සෑහෙන අමාරැ වැඩක්. ඉතින් හුගක් වෙලාවට කට්ටිය කරන්නේ තව කාගෙහරි ව්‍යාපෘතියක් අරගෙන ඒකෙ නම වෙනස් කරලා දෙන එකයි. නමුත් අපේ පන්තියෙ හිටපු හැමෝම වගේ අලුත් එකක් කළා.
තාම කතාවට ආවේ නෑ නේ. මගේ ව්‍යාපෘතිය කලේ ඒඩ්ස් රෝගය ගැන අපි ඉතින් බයෝ නේ.මගේ යාළුවා කලේ ඩෙංගු ගැන. මෙහෙම නම් කිවුවට අපිට එතකොට මේවා ගැන ලොකු අදහසක් තිබුනේ නෑ. ඒ කාලේ අපේ කට්ටිය ව්‍යාපෘති වලට විස්තර හොයන්න කියලා කොහොම හරි ඉස්කෝලෙන් පනින සිරිතකුත් තිබුනා. විස්තර හොයන්නත් ඇති.ඉතින් මායි මගේ යාළුවයි විදුහල්පතිගෙන් (අපි ඒ දවස් වල නම් කවදාවත් විදුහල්පති කියලා කියුවේ නෑ. ඒ නම ඉතින් හැම ඉස්කෝලෙකම කොල්ලෝ පාවිච්චි කරපු නමක් නේ. ඒක මෙතන දාන එක හරි නෑ කියලා හිතුනා) ලියුමක් එහෙම අරගෙන කලුබෝවිල රෝහලට ගියා අපේ ව්‍යාපෘති වලට විස්තර හොයන්න. යාළුවගේ නම කියන්නත් බැරි වුනානේ.එයාට දාලා තිබ්බ කාඩ් එක තමයි පැට්ටා. නම පැට්ටා වුනාට හොද උස මහත පොරක්.
අපි දෙන්නා දැන් කලුබෝවිල ගියාට කාගෙන්ද මේ විස්තර ගන්නේ කියලා අදහසක් තිබ්බෙත් නෑ. ඉතින් ඔහොම කැරකි කැරකි ඉන්න කොට පිළිගැනීමේ කවුන්ටරේ හිටපු අක්කා කෙනෙක් තමයි අපිට උදවු කලේ. ඔන්න ඉතින් ඊට පස්සේ අපිට රෝහල් අධ්‍යක්ෂක තුමාව හම්බෙන්න වුනා අපේ වැඩේට අවසර ගන්න. අපි දෙන්නා දැන් අධ්‍යක්ෂක ඉස්සරහ.
අධ්‍යක්ෂකතුමා : මොකද්ද ඔය ළමයින්ගේ ව්‍යාපෘතියෙ නම?
පැට්ටා : සර් මේ...ඩෙංගු
ඕන දේකට ඉස්සරහට පනින මගේ යාළුවා කට ඇරපු ගමන් උත්තර දුන්නා
අධ්‍යක්ෂකතුමා : ඩෙංගු.... ඩෙංගු කියන්නේ වචනයක් නේ.ඔයා ඩෙංගු ගැන රචනයක් ලියන්න.
මගේ යාළුවගේ පණ්ඩිත කතාව නිසා අධ්‍යක්ෂක ගෙන් අපිට පොඩි දේශනේකුත් අහගන්න වුනා. කොහොම හරි අපේ වැඩේට අධ්‍යක්ෂකතුමා අවසර දීලා සිස්ට ව හම්බෙලා විස්තර ගන්න කිව්වා. ඔන්න ඉතින් අපි දෙන්නා සිස්ට හොයාගෙන යනකොට තව තොප්පියක්. සිස්ට ඒ වෙලාවේ ලේබ රෑම් (Labour room)එකේලු. දැන් ඉතින් මොකද කරන්නේ. සිස්ටව හම්බෙන්න ඕක ඇතුළට යන්න පුළුවනෑ. අපි එලියේ තිබුනු පුටු දෙකකට වෙලා වරැ ගානක් බලාගෙන හිටියා. පස්සෙ අපිට රිපෝට් වගයක් ගන්න පුළුවන් වුනා. ඒක ඉවර වෙලා ආයෙත් ඉස්කෝලෙට එනකොට ඉස්කෝලෙත් ඉවර වෙලා. කොහොම හරි පොත් වලින් පත්තර වලින් විස්තර එකතු කරගෙන ව්‍යාපෘතිය සම්පූර්ණ කලා.
මට මගේ ව්‍යාපෘතියට සම්පූර්ණ ලකුණු ගන්නත් පුළුවන් වුනා. මේ කතාව මෙතනින් අවසානයි. තව මතකයකුත් අරගෙන ආයෙත් හමුවෙන බලාපොරොත්තුවෙන් සමුගන්නම්. සුභ දවසක්!!!!
No comments:
Post a Comment